Aquagold meðferðin er hönnuð til að koma virkum efnum í húðina á áhrifaríkan og nánast sáraukalausan hátt til að stinna og endurnýja húðina.
Aquagold tækið inniheldur 20 örfínar nálar sem eru húðaðar með 24 karata gulli en gullið veldur minni ertingu í húðinni og er ekki ofnæmisvaldandi eins og sumir málmar. Nálarnar eru aðeins 0,6 mm að lengd sem er fullkomin stærð til að ná niður í leðurhúðina (dermis). Örnálarnar sjálfar örva kollagen nýmyndun og með þeirra hjálp er hægt að koma virkum efnum á þann stað í húðina þar sem þau hafa hvað mest áhrif. Meðferðartækið er viðurkennt af Bandaríska lyfjaeftirlitinu (FDA).
Algengast er að nota blöndu af hýalúronsýru (skinbooster) og toxíni en möguleiki er að klæðskerasníða lausnir eftir þörfum hvers og eins og blanda meðal annars í lausnina andoxunarefnum (t.d. C vítamíni), vaxtarþáttum og peptíðum.
Hýalúronsýra er efni sem viðheldur raka í húðinni og gefur húðinni fyllingu og ljóma. Hún gerir húðina stinnari og dregur úr fínum línum og hrukkum. Hýalúronsýra er stór sameind og á því erfitt með að komast í gegnum húðina með venjulegum kremum en virkar mjög vel þegar henni er stungið í gegnum húðina inn í leðurhúðina, eins og með venjulegum fylliefnum og Aquagold.
Toxín í Aquagold meðferðinni eru blönduð á annan hátt en hefðbundin toxín meðferð og þar sem toxínið er sett grunnt í húðina hefur það engin áhrif á undirliggjandi vöðva. Toxín í húðinni slétta úr húðinni, draga saman svitaholur og minnka olíuframleiðslu og svitamyndun. Þau bæta þannig áferð húðarinnar og auka ljóma.
● Eykur raka
● Minnkar svitaholur
● Minnkar olíumyndun
● Eykur þéttleika
● Bætir áferð húðarinnar
● Mildar fínar línur og hrukkur
● Minnkar svitamyndun
● Minnkar roða t.d. vegna rósroða
● Gefur ljóma og ferskara útlit
Aquagold meðferðina er hægt að nota á andlit, háls, bringu og handarbök.
Meðferðin er mjög sársaukalítil en auðvitað getur verið einstaklingsmunur. Sum meðferðarsvæði eru viðkvæmari, einkum þar sem húðin er þunn og þar sem mikið er um taugaenda t.d. á nefi og kringum munn.
Já, svo sannarlega. Þar sem Aquagold lausnin er sett svo grunnt í húðina er möguleiki að meðhöndla svæði sem aðrar meðferðir eins og laser og medical peeling komast illa að eins og t.d. kringum munn og augu. Þær örsmáu holur sem myndast eftir nálarnar lokast hratt svo sýkingar eru mjög óvanalegar.
Áhrifin sjást strax eftir 3-7 daga en það getur tekið allt að 2 vikur að sjá fullan árangur. Fullur árangur varir um það bil í 3-4 mánuði en hver meðferð gefur langtímaárangur þar sem nýmyndun kollagens örvast og byggist upp að nýju. Ráðlagt er að endurtaka meðferðina á 3-4 mánaða fresti til að viðhalda hámarksárangri.
Meðferðin er einnig vinsæl fyrir mikilvæga atburði þar sem óskað er eftir að húðin sé uppá sitt besta og ljómandi, eins og t.d. brúðkaup. Mælum þá með að plana meðhöndlunina 2-3 vikum áður.
Ef húðin er þroskuð með talsvert af hrukkum og/eða skorti á fyllingu þarf líklega að sameina Aquagold meðferðin með fylliefnum, vöðvatoxínum eða laser meðferðum.
Meðferðin tekur u.þ.b. 30 mín en fer eftir hversu stórt meðferðarsvæðið er sem á að meðhöndla.
Meðferðarsvæðið verður rautt og örlítið aumt viðkomu. Þessi einkenni hverfa oftast á nokkrum klukkustundum en geta varað í 2-3 daga. Marblettir eru mjög sjaldgæfir.
● Forðastu að þvo andlitið í 6 klukkustundir. Hreinsaðu svo húðina með mildum hreinsi
● Ekki nota förðunarvörur fyrstu 6 klukkustundirnar eftir meðferðina
● Forðastu virkar húðvörur eins og ávaxtasýrur og retinol í 5-7 daga eftir meðferðina sem og skrúbb og maska
● Notaðu mikið af góðum hlutleysum raka á húðina, t.d. hyalúranic sýru serum, í nokkra daga eftir meðferðina
● Forðastu sólina í a.m.k. 24 klukkustundir eftir meðferðina og notaðu sólarvörn með a.m.k. 30 SPF í amk nokkrar vikur eftir meðferð
● Forðastu líkamsrækt og gufuböð í 48 klst ef húðin er enn rauð og ert
● Þrymlabólur (acne vulgaris)
● Sýking í andliti
● Bólgusjúkdómar í andliti eins og eksem, psoriasis, perioral dermatitits eða rósroða á bólgustigi
Aquagold meðferðin er ekki framkvæmd á þunguðum konum eða konum með barn á brjósti.
Hægt er að bóka tíma hjá lækni
frá kl. 9:00 – 12:00 og 13:00 – 15:30
Sími 520 4444
Ljósameðferð
Sími 520 4408
Sendu okkur tölvupóst
timabokun@hls.is
Spjallaðu við okkur á
Facebook Messenger
Smáratorg 1,
201 Kópavogur,
Iceland
Opið virka daga
8:00 – 16:00
Skiptiborð er opið
9:00 – 12:00
13:00 – 15:30