Húðflúreyðing
Pico-laser er ný gerð af laser til að fjarlægja húðflúr og er sá öflugasti og áhrifamesti á markaðnum í dag.
Pico laserinn er sá öflugasti
Rannsóknir hafa sýnt fram á 25-30% færri meðferðarskipti miðað við eldri lasera ásamt því að pico-laser tekur mun betur bláan, grænan, gulan og rauðan lit. Einnig hefur pico-laserinn sýnt fram á að hann vinnur vel á „draugahúðflúrum“, þ.e.a.s. húðflúrum sem sitja eftir í húðinni eftir aðrar meðferðir.
En af hverju virkar Pico-laserinn svona miklu betur en eldri húðflúralaserar?
Eldri lasertæki til að fjarlægja húðflúr eru kallaðir nanó-laserar og virka þannig að húðflúrliturinn í leðurhúðinni er fyrst hitaður og svo sprengdur í litlar agnir. Þetta gerist á nanósekúndu, sem er milljónasti hluti úr sekúndu. Hvít blóðkorn (macrophagar) sem eru hluti af ónæmiskerfi okkar sjá svo um að fjarlægja agnirnar úr líkamanum.
Til samanburðar notar Pico-laserinn mjög stuttar laserbylgjur sem dynja á húðflúrlitnum undir miklum þrýstingi á miklum hraða, eða picosekúndu sem er trilljónasti hluti úr sekúndu. Þannig er litarefnið brotið niður í mun smærri agnir.
Munurinn felst helst í því að nanó-tækin skilja eftir smáa litaklumpa í húðinni, en agnirnar sem pico-laserinn skilur eftir eru mun fíngerðari, nánast á við sandkorn. Sökum smæðar agnanna er mun auðveldara að fjarlægja litarefnið úr húðinni.
Þessi nýja lasertækni fer einnig betur með húðina. Meðferðin er sáraukaminni og það þarf 25-30% færri meðferðarskipti en með eldri laserum.
Í Pico Discovery plus lasernum er einnig Q-Switch Ruby laser. Með þessum tveimur laserum (í sama tækinu) má meðhöndla fleiri liti en áður, t.d. svartan, bláan, rauðan og gulan.
Eins má nota þessa tækni til þess að meðhöndla aðrar húðbreytingar eins og góðkynja litabreytingar, Cafe au-lait bletti og ör eftir unglingabólur (acne).
Hagnýtar upplýsingar fyrir meðferð:
Meðferðin er verulega áhrifarík og tekur stuttan tíma. Ný tækni ræður betur við liti sem áður gátu valdið vandræðum, eins og bláan, grænan og rauðan lit. Mælt er með staðdeyfingu fyrir meðferðina með kremi sem er borið á 1 klst fyrir meðhöndlun. Ekki eru allir sem þiggja deyfinguna þar sem meðferð tekur stuttan tíma.
Mælt er með að bíða 2-4 mánuði á milli meðferða þar sem það tekur ónæmiskerfi líkamans tíma að losa sig við litarefnisagnirnar sem eru eytt með lasernum. Fjöldi skipta fer eftir stærð, litum og staðsetningu sem og hve djúpt liturinn nær sem og húðtýpu einstaklingsins. Auðveldara er að eiga við bláan og svartan lit, en gulur er erfiðastur.
Líða þurfa að minnsta kosti 8 mánuðir frá því einstaklingur fékk sér húðflúrið svo hægt sé að hefja meðferð.
Ekki er hægt að meðhöndla ef:
● Sýkingar eða sár eru á meðferðarsvæði
● Þungaðar konur eða konur með barn á brjósti eru ekki meðhöndlaðar
● Einstaklinga sem eru flogaveikir og krampar
● Einstaklinga sem hafa tilhneigingu til að mynda upphleypt ör (keloid)
● Einstaklingasem hafa ígrædd lækningartæki (medical implants)
● Ekki koma sólbrún/sólbrúnn í meðferðina, það er best að bíða með meðferð ef svo er því annars er hætta á bruna eða litabreytingu í húð.
Hvernig fer meðferðin sjálf fram?
Meðferðarhausinn er lagður á húðsvæðið sem á að meðhöndla og hleypt af. Bæði sést ljósglampi og svo heyrist hljóðmerki. Algengt er að finna fyrir skammvinnri hitatilfinningu þegar skotið ríður af og sársauka. Sársaukinn er mjög vægur ef meðferðarsvæðið hefur verið deyft áður með deyfikremi eða staðdeyfingu. Það eru samt ekki allir sem þiggja deyfingu og hafa þá lýst stigi sársaukans sem 6-8 af 10 mögulegum.
Tækið sendir geisla af ákveðinni bylgjulengd inn í húðina. Orka geislans losnar í húðinni og sprengir upp litarefnið svo það molnar í smáar eindir, eins og fín sandkorn. Húðin hvítnar sem jafnar sig svo á nokkrum mínútum.
Eftir meðferð:
Eftir meðferð er oftast töluverður roði og jafnvel bólga í húðinni í 2-3 daga og kláði algengur.
Hreistur, skorpa eða grunnar blöðrur geta myndast nökkrum dögum eftir meðhöndlunina en það eru allt merki um að meðferðin hafi virkað vel og að húðin sé að losa sig við litinn.
Eins og þegar um ný húðflúr er að ræða skiptir máli að annars meðhöndlað svæði vel til þess að takmarka sýkingarhættu eða öramyndun.
- Haltu svæðinu hreinu og þurru, það má bera Aloe Vera ef það er mikill kláði eða óþægindi.
- Gott að kæla svæðið en varist að setja kælipoka beint á húðina, hafa á eitthvað á milli.
- Ekki má klóra eða nudda svæðið þar sem það getur valdið litabreytingum á svæðinu.
- Ef þú færð vökvafyllta blöðru má ekki sprengja hana
- Ekki fara í líkamsrækt í 24 klst eftir meðferð.
- Forðastu sólina í 2 vikur eftir meðferð sem og ljósabekki, ef það er erfitt þá er best að hylja svæðið og nota SPF 50.
- Ekki fara í sund, heitan pott eða bað næstu 2-4 vikurnar, sturta er í lagi. Þetta er til að fyrirbyggja sýkingu.
- Ef meðferðin var framkvæmd á fótleggjum fyrir neðan hné mælum við með þrýstingssokkum í 2 vikur eftir meðferðina til að bæta árangur.
