Æðalaser hefur fyrst og fremst áhrif á grunnar æðar, roða og brúna bletti í húðinni og hentar því vel til meðhöndlunar rósroða, almenns roða í andliti, háræðaslita og sólarbletta. Sólarblettir eru ljósbrúnir blettir sem koma vegna mikillar útsetningar fyrir sólinni. Áður en slíkir blettir eru meðhöndlaðir með laser er mikilvægt að fá staðfesta greiningu hjá húðlækni.

Meðferðin hentar meðal annars vel fyrir þá sem eru með rósroða. Rósroði er langvinnur bólgusjúkdómur í húð sem einkennist meðal annars af roða og háræðaslitum á nefi, kinnum og enni. Orsakir rósroða eru ekki að fullu þekktar en rannsóknir hafa sýnt að æðaþátturinn er mikilvægur í meingerð sjúkdómsins. Með tilkomu lasertækninnar hafa opnast möguleikar á því að hafa áhrif á þann þátt.

Meðferðarhausinn er lagður á húðsvæðið sem á að meðhöndla og laserskoti hleypt af. Bæði sést ljósglampi og svo heyrist hljóðmerki. Algengt er að finna fyrir skammvinnri hitatilfinningu þegar skotið ríður af.

Tækið sendir geisla af ákveðinni bylgjulengd inn í húðina. Orka geislans losnar í grunnu og óeðlilegu æðunum og laskar þær svo þær dofna og hverfa á 2-3 vikum.

• Forðast ljósabekki, sólina og brúnkukrem 2 vikur fyrir áætlaðan tíma (ekki vera sólbrún/sólbrúnn, útitekin/útitekinn). 
• Vinsamlega afbókaðu tímann ef þú ert með frunsu á meðferðarsvæðinu (andlit og/eða hálsi). 
• Raka hár á meðferðarsvæðinu ef þau eru til staðar. 
• Forðast bólgueyðandi lyf og aspirin, áfengi og reykingar nokkrum dögum fyrir og eftir meðferð. 
• Þú getur búist við hitatilfinningu í húðinni meðan á meðferð stendur. 
• Ef þú ert gjörn/gjarn/gjarnt á að fá áblástur/frunsu þá ráðleggjum við fyrirbyggjandi meðferð með Valocyclovir 500 mg 4 töflur í einu fyrir meðferð og 4 töflur í einu 12 klst seinna. 
• Vinsamlegast komdu án farða í meðferðina 
  
  
  Eftir meðferð: 

  • Ekki stunda líkamsrækt í 3-4 daga eftir meðferðina (eða allt sem reynir á líkamann). 
  • Forðast ljósabekki og sólina í 2 vikur fyrir og eftir meðferð. 
  • Ekki fara í heita potta eða sund 1 viku eftir meðferð þar sem klórinn getur ert húðina. 
  • Við mælum með að nota sólarvörn 30-50 SPF eða hærra og helst að hylja meðferðarsvæðið í 2 vikur eftir meðferð. 
  • Æðalaserinn sendir geisla af ákveðinni bylgjulengd inn í húðina sem laskar æðina svo þær dofna og hverfa á 2-3 vikum . 
  • Strax eftir meðferð má búast við einkennum sem svipa til sólbruna. Oft fylgja bólgur í 2-7 daga, einnig getur komið mar, hægt er að bera aloe vera/mildison  ef þörf er á. 
  • Í flestum tilvikum þarf að meðhöndla svæðið nokkrum sinnum svo árangur náist. 
  • Æðalaserinn hefur ýmisleg önnur jákvæð áhrif eins og að hann styrkir og þéttir húðina (dregur úr fínum línum) og getur dregið úr litabreytingum. 
  • Gott er að bera á sig Phyto Corrective Mask frá Skin Ceuticals eftir meðferðina sem seld er á Húðlæknastöðinni. 

• Forðast ljósabekki, sólina og brúnkukrem 2 vikur fyrir áætlaðan tíma (ekki vera sólbrún/sólbrúnn, útitekin/útitekinn). 
• Raka hár á meðferðarsvæðinu ef þau eru til staðar, ekki nota háreyðingarkrem eða fara í vax 2 vikum fyrir tímann. 
• Ef grunur á æðahnútum sem og æðaslitum á leggjum þá mælum við með mati æðaskurðlæknis áður en komið er til okkar. 
• Forðast bólgueyðandi lyf og aspirin, áfengi og reykingar nokkrum dögum fyrir og eftir meðferð. 
• Þú getur búist við hitatilfinningu í húðinni meðan á meðferð stendur. 
• Vinsamlegast afbókaðu tímann ef þú ert þunguð. 

• Ekki stunda líkamsrækt í tvær vikur eftir meðferðina (eða allt sem reynir á líkamann). 
• Forðast ljósabekki og sólina í 2 vikur fyrir og eftir meðferð. 
• Ekki fara í heita potta eða sund 2 vikur eftir meðferð vegna þess að klór ertir húðina. 
• Við mælum með að nota sólarvörn 30-50 SPF eða hærra og helst að hylja meðferðarsvæðið í 2 vikur eftir meðferð. 
• Æðalaserinn sendir geisla af ákveðinni bylgjulengd inn í húðina sem laskar æðina svo þær dofna og hverfa á 6-8 vikum. 
• Strax eftir meðferð má búast við einkennum sem svipa til sólbruna. Einstaka sinnum fylgir vægur bjúgur en þessi einkenni eru venjulega horfin á 2-4 klst, hægt er að bera aloe vera ef þörf er á. 
• Í flestum tilvikum þarf að meðhöndla svæðið nokkrum sinnum svo árangur náist.