Öryggismyndavélar eru mikilvægur hlekkur í öryggiskerfi Húðlæknastöðvarinnar. Reynslan sýnir að öryggismyndavélar hafa talsverðan fælingarmátt og geta verið ómetanlegar við að upplýsa þjófnaði og skemmdarverk. Þær eru hluti af þeirri viðleitni að verja eigur Húðlæknastöðvarinnar, starfsmenn hennar og viðskiptavini og bæta öryggi almennt.

Vöktunin fer fram á grundvelli lögmætra hagsmuna Húðlæknastöðvarinnar í tengslum við eigna- og öryggisvörslu, sbr. 6. tölul. 9. gr. Laga nr. 90/2018 og f-lið 1. mgr. 6. gr. Reglugerðar (ESB) 2016/679. Ábyrgðaraðili vöktunarinnar er Húðlæknastöðin.

Við notkun öryggismyndavéla verður að fylgja reglum nr. 50/2023 um rafræna vöktun. Engum gögnum er safnað um einstaklinga og engin gögn eru geymd lengur en í þrjátíu daga nema sérstök rök séu færð fyrir því.

Á vef persónuverndar má finna svör við algengum spurningum um öryggismyndavélar og reglur sem um þær gilda.

Það eru öryggismyndavélar við inngang Húðlæknastöðvarinnar og víða innanhúss.Í möttökum er hljóð- og myndupptaka. Viðskiptavinir mega vænta þess að lenda inn á sjónsviði öryggismyndavéla en þó er ekki hægt að fullyrða að svæðið sé allt vaktað.